ಹುಬ್ಬಳ್ಳಿ: ನಗರದ ವಾರ್ಡ್ ಸಂಖ್ಯೆ 34 ರಲ್ಲಿ ಸುಮಾರು 10 ಕೋಟಿ ರೂಪಾಯಿಗಳ ವೆಚ್ಚದ ಅಭಿವೃದ್ಧಿ ಕಾಮಗಾರಿಗಳಿಗೆ ಜಿಲ್ಲಾ ಉಸ್ತುವಾರಿ ಸಚಿವರಾದ ಶ್ರೀ ಸಂತೋಷ ಲಾಡ್ ಅವರು ಸೋಮವಾರದಂದು ಶಂಕುಸ್ಥಾಪನೆ ನೆರವೇರಿಸಿದರು. ಈ ಯೋಜನೆಗಳಲ್ಲಿ ಗುಡಿಹಾಳ್ ರಸ್ತೆ ಅಭಿವೃದ್ಧಿ, ವಿದ್ಯುತ್ ಅಲಂಕಾರ ಹಾಗೂ 33 ಕೆ.ವಿ. ಹೈ ಟೆನ್ಷನ್ ಕೇಬಲ್ ಅಂಡರ್ಗ್ರೌಂಡ್ ಕಾಮಗಾರಿಗಳು ಸೇರಿವೆ. ಈ ಕಾಮಗಾರಿಗಳು ವಾರ್ಡ್ನ ಮೂಲಸೌಕರ್ಯ ಮತ್ತು ಸೌಂದರ್ಯವನ್ನು ಹೆಚ್ಚಿಸಲಿವೆ ಎಂದು ಸಚಿವರು ತಿಳಿಸಿದರು.
ಸಚಿವರಿಗೆ ಅಭಿನಂದನಾ ಸಮಾರಂಭ
ಶಂಕುಸ್ಥಾಪನೆ ಕಾರ್ಯಕ್ರಮದ ನಂತರ, ವಾರ್ಡ್ನ ಹಿರಿಯರು ಮತ್ತು ಮುಖಂಡರು ಸಚಿವ ಸಂತೋಷ ಲಾಡ್ ಅವರನ್ನು ಸನ್ಮಾನಿಸಲು ಅಭಿನಂದನಾ ಸಮಾರಂಭವನ್ನು ಆಯೋಜಿಸಿದ್ದರು. ಈ ಸಂದರ್ಭದಲ್ಲಿ ಮಾತನಾಡಿದ ಸಚಿವರು, ಕ್ಷೇತ್ರದ ಸಮಗ್ರ ಅಭಿವೃದ್ಧಿಗೆ ರಾಜ್ಯ ಸರ್ಕಾರ ಸಂಪೂರ್ಣ ಬದ್ಧವಾಗಿದೆ ಎಂದು ಪುನರುಚ್ಚರಿಸಿದರು.
100 ಫಲಾನುಭವಿಗಳಿಗೆ ಹೊಲಿಗೆ ಯಂತ್ರ ವಿತರಣೆ
ಸಮಾರಂಭದ ಭಾಗವಾಗಿ, ಸಚಿವರು ವಾರ್ಡ್ನ ಆರ್ಥಿಕವಾಗಿ ಹಿಂದುಳಿದ ವಿಭಾಗದ 100 ಅರ್ಹ ಫಲಾನುಭವಿಗಳಿಗೆ ಹೊಲಿಗೆ ಯಂತ್ರಗಳನ್ನು ವಿತರಿಸಿದರು. ಈ ಮೂಲಕ ಫಲಾನುಭವಿಗಳ ಸ್ವಾವಲಂಬನೆಗೆ ಮತ್ತು ಸಬಲೀಕರಣಕ್ಕೆ ನೆರವು ನೀಡಲಾಯಿತು.
ಕಾರ್ಯಕ್ರಮದಲ್ಲಿ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ನಾಗರಾಜ ಗೌರಿ, ಪಾಲಿಕೆಯ ಸದಸ್ಯರಾದ ಶ್ರೀಮತಿ ಮಂಗಳಮ್ಮ ಗೌರಿ, ಮಾಜಿ ಸದಸ್ಯರಾದ ಶ್ರೀಮತಿ ದೀಪಾ ಗೌರಿ, ಜಿಲ್ಲಾ ಪಂಚಾಯತ್ ಸಿಇಒ ಭುವನೇಶ ಪಾಟೀಲ್, ಪಾಲಿಕೆ ಆಯುಕ್ತರು ರುದ್ರೇಶ್ ಘಾಳಿ, ಜಿಲ್ಲಾ ಅಧ್ಯಕ್ಷರಾದ ಅಲ್ತಾಫ್ ಹಳ್ಳೂರ್ ಮತ್ತು ಅನಿಲ್ ಪಾಟೀಲ್, ಸಿದ್ಧರೂಢ ಮಠ ಟ್ರಸ್ಟ್ ಅಧ್ಯಕ್ಷರಾದ ಚನ್ನಬಸವ ಮುಂಗಾರವಾದಿ ಸೇರಿದಂತೆ ಮುಸ್ತಾಕ್ ಸುಂಡಕೆ, ಅಲ್ಲಾಬಕ್ಷ ಶಿರೂರು, ನಾಗರಾಜ್ ಹೆಗಡಾಲ್, ಬಾಬಾ ಐನಪುರ್, ರವಿ ಗೌಡರ್, ಅಬ್ದುಲ್ ಮುಲ್ಲಾ, ಹನುಮಂತ ಕೊರವರ್, ಶಂಕ್ರಪ್ಪ ಗೋಲಪ್ಪನವರ, ಸಾದಿಕ್ ಮಿಟ್ಟೆಬಾಯಿ, ಉಮೇಶ ರಾಯಚೂರ್, ದೇವರಾಜ್ ಕಾಮಕರ್, ಅಷ್ಪಕ್ ಪಾಟ್ವೀಗಾರ್, ಖಾಜಾ ಶಿರೂರು, ಅಜಾಜ್ ಜಾಗಿರಾದಾರ್, ಮಹಾಂತೇಶ್ ಅಂಗಡಿ, ಮುಬಾರಕ್ ಶಿರಹಟ್ಟಿ, ಶಿವು ಉಳ್ಳಾಗಡ್ಡಿ, ಇಸ್ಮಾಯಿಲ್ ಹೊಸಮನಿ, ಅಬ್ದುಲ್ ಸತ್ತಾರ್ ಪಠಣ, ನೂರಾಹ್ಮದ್ ಕತಿಬ್ ಇನ್ನಿತರ ಗಣ್ಯರು ಉಪಸ್ಥಿತರಿದ್ದರು.
