ಪಿಥೋರ್ಗಢ, ಸೆ.7:
ಮಳೆ, ಪ್ರವಾಹ, ಭೂಕುಸಿತ – ಹೀಗೆ ಪ್ರಕೃತಿ ವಿಪತ್ತುಗಳಿಂದಾಗಿ ರಸ್ತೆಗಳು ಬಂದ್ ಆಗಿದ್ದರೂ, ಒಂದು ವರ್ಷ ವ್ಯರ್ಥವಾಗದಂತೆ ಕಾಪಾಡಿಕೊಳ್ಳಲು ವಿದ್ಯಾರ್ಥಿಗಳು ಅಸಾಧಾರಣ ಸಾಹಸ ಮಾಡಿದ್ದಾರೆ.
ಉತ್ತರಾಖಂಡ ಮುಕ್ತ ವಿಶ್ವವಿದ್ಯಾಲಯದ ಬಿ.ಇ.ಇಡಿ ಪರೀಕ್ಷೆ ಬರೆಯಲು ರಾಜಸ್ಥಾನದ ಬಲೋತ್ರಾದ ವಿದ್ಯಾರ್ಥಿಗಳು ಹೆಲಿಕಾಪ್ಟರ್ ಬಾಡಿಗೆ ಪಡೆದು ಪರೀಕ್ಷಾ ಕೇಂದ್ರ ತಲುಪಿ ಪರೀಕ್ಷೆ ಬರೆದಿದ್ದಾರೆ.
ಬುಧವಾರ ಮುನ್ಸಾರಿ ಮಹಾವಿದ್ಯಾಲಯದಲ್ಲಿ ಪರೀಕ್ಷೆ ನಡೆಯಬೇಕಿತ್ತು. ವಿದ್ಯಾರ್ಥಿಗಳಾದ ಒಮರಮ್ ಜಾಟ್, ಮಗರಂ ಜಾಟ್, ಪ್ರಕಾಶ್ ಗೋದಾರ ಜಾಟ್ ಹಾಗೂ ನರಪತ್ ಕುಮಾರ್ ಇಬ್ಬರು ದಿನಗಳ ಮುಂಚೆಯೇ ಹಲ್ಲ್ಯಾನಿಗೆ ತಲುಪಿದ್ದರು. ಆದರೆ ನಿರಂತರ ಮಳೆಯಿಂದ ಅನೇಕೆಡೆ ಭೂಕುಸಿತ ಸಂಭವಿಸಿ ಎಲ್ಲಾ ರಸ್ತೆ ಸಂಪರ್ಕ ಕಡಿತಗೊಂಡಿತ್ತು.
“ಪರೀಕ್ಷೆ ಬರೆದಿಲ್ಲ ಅಂದರೆ ಒಂದು ವರ್ಷ ಕಷ್ಟಪಟ್ಟದ್ದು ವ್ಯರ್ಥವಾಗುತ್ತದೆ” ಎಂದು ನಿರ್ಧರಿಸಿದ ಇವರಿಗೆ ಹಲ್ಲ್ಯಾನಿ–ಮುನ್ಸಾರಿ ನಡುವೆ ಕಾರ್ಯನಿರ್ವಹಿಸುತ್ತಿದ್ದ ಹೆಲಿಕಾಪ್ಟರ್ ಸೇವೆ ದಾರಿ ತೋರಿಸಿತು. ಕಂಪನಿಯ ಸಹಕಾರದೊಂದಿಗೆ ನಾಲ್ವರೂ ಹೆಲಿಕಾಪ್ಟರ್ ಮೂಲಕ ಮುನ್ಸಾರಿಗೆ ಬಂದು ಪರೀಕ್ಷೆ ಬರೆದರು. ಪರೀಕ್ಷೆಯ ನಂತರ ಮತ್ತೆ ಹೆಲಿಕಾಪ್ಟರ್ ಮೂಲಕ ಹಲ್ಲ್ಯಾನಿಗೆ ಮರಳಿದರು.
ಈ ಪ್ರಯಾಣಕ್ಕಾಗಿ 40 ಸಾವಿರ ರೂಪಾಯಿಗೂ ಹೆಚ್ಚು ವೆಚ್ಚ ಮಾಡಬೇಕಾಯಿತು. ಆದರೆ “ಹಣ ಹೋಯ್ತು, ವರ್ಷ ಉಳಿಯಿತು” ಎಂದು ವಿದ್ಯಾರ್ಥಿಗಳು ತೃಪ್ತಿ ವ್ಯಕ್ತಪಡಿಸಿದರು.
ಪರೀಕ್ಷಾ ಉಸ್ತುವಾರಿ ಸೋಮೇಶ್ ಕುಮಾರ್ ತಿಳಿಸಿದ್ದಾರೆ – “ವಿದ್ಯಾರ್ಥಿಗಳು ತಾವೇ ಪರೀಕ್ಷಾ ಕೇಂದ್ರ ಆಯ್ಕೆ ಮಾಡಿಕೊಳ್ಳುತ್ತಾರೆ. ಕೆಲವರು ದೂರದೂರಿನಿಂದ ಬಂದು ಪರೀಕ್ಷೆ ಬರೆಯುವುದು ಅವರ ಒಲವನ್ನೇ ತೋರಿಸುತ್ತದೆ.”
