ವರದಿ: ವಿನಾಯಕ ಗುಡ್ಡದಕೇರಿ
ಧಾರವಾಡ/ಹುಬ್ಬಳ್ಳಿ: ಅವಳಿ ನಗರಗಳಾದ ಹುಬ್ಬಳ್ಳಿ-ಧಾರವಾಡದಲ್ಲಿ ಡ್ರಗ್ಸ್ ಹಾವಳಿಯನ್ನು ಸಂಪೂರ್ಣವಾಗಿ ತಡೆಗಟ್ಟಲು ಪೊಲೀಸ್ ಇಲಾಖೆಯು ‘ಆಪರೇಷನ್ ಕ್ಲೀನ್’ (Operation Clean) ಆರಂಭಿಸಿದೆ. ಇತ್ತಿಚ್ಚಿಗೆ ನಗರದಾದ್ಯಂತ ಪೊಲೀಸ್ ಇಲಾಖೆ ನಡೆಸಿದ ಬಿಗಿ ಡ್ರಿಲ್ ಕಾರ್ಯಾಚರಣೆಯು ಡ್ರಗ್ಸ್ ಸೇವನೆ ಮತ್ತು ಮಾರಾಟ ಮಾಡುತ್ತಿದ್ದವರ ನಿದ್ದೆಗೆಡಿಸಿದೆ.
💉 ನೂರಾರು ಶಂಕಿತರಿಗೆ ಮೆಡಿಕಲ್ ಟೆಸ್ಟ್
ಅವಳಿ ನಗರದ ಪ್ರತಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ, ಡ್ರಗ್ಸ್ ಸೇವನೆ ಅಥವಾ ಮಾರಾಟದ ಚಟುವಟಿಕೆಗಳಲ್ಲಿ ಭಾಗಿಯಾಗಿರುವ ಬಗ್ಗೆ ಅನುಮಾನ ಹೊಂದಿರುವವರನ್ನು ಪೊಲೀಸರು ಮುಂಜಾನೆಯೇ ವಶಕ್ಕೆ ಪಡೆದರು. ಒಟ್ಟು ಮೂರನೂರಕ್ಕೂ ಹೆಚ್ಚು ಶಂಕಿತರನ್ನು ಹಿಡಿದು ತಂದ ಪೊಲೀಸರು, ಅವರಿಗೆಲ್ಲ ಕಡ್ಡಾಯವಾಗಿ ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದ್ದಾರೆ.
ಪೊಲೀಸ್ ಇಲಾಖೆಯ ತಂಡವು ಎಲ್ಲಾ ಶಂಕಿತರನ್ನು ಹುಬ್ಬಳ್ಳಿ ಕಿಮ್ಸ್ (KIMS) ಆಸ್ಪತ್ರೆಗೆ ಕರೆದೊಯ್ದು, ಅವರ ಡ್ರಗ್ಸ್ ಸೇವನೆಯ ಕುರಿತು ಮೆಡಿಕಲ್ ಟೆಸ್ಟ್ ಮಾಡಿಸಿದೆ. ಈ ಪರೀಕ್ಷೆಯ ವರದಿಯನ್ನು ಆಧರಿಸಿ ಮುಂದಿನ ಕಾನೂನು ಕ್ರಮಗಳನ್ನು ಕೈಗೊಳ್ಳಲಾಗುವುದು ಎಂದು ಇಲಾಖೆ ತಿಳಿಸಿದೆ.
👨👩👧👦 ಪಾಲಕರ ಸಮ್ಮುಖದಲ್ಲಿ ಕೌನ್ಸೆಲಿಂಗ್
ಈ ಡ್ರಿಲ್ ಕಾರ್ಯಾಚರಣೆಯ ಮತ್ತೊಂದು ಪ್ರಮುಖ ಹಂತವೆಂದರೆ, ಡ್ರಗ್ಸ್ ಸೇವನೆಯ ಬಗ್ಗೆ ಪಾಸಿಟಿವ್ ವರದಿ ಬಂದಿರುವ ಯುವಕರ ಮತ್ತು ಇತರರ ಪಾಲಕರನ್ನು ಮಧ್ಯಾಹ್ನದ ವೇಳೆಗೆ ಕರೆಸಿ ಸಾಮೂಹಿಕ ಸಭೆ ನಡೆಸುವುದು.
”ಮಕ್ಕಳ ಡ್ರಗ್ಸ್ ಸೇವನೆ ಮತ್ತು ಅದರ ಅಪಾಯಗಳ ಕುರಿತು ಪಾಲಕರೊಂದಿಗೆ ನೇರ ಮಾತುಕತೆ ನಡೆಸಿ, ಅವರಿಗೆ ಸೂಕ್ತ ಕೌನ್ಸೆಲಿಂಗ್ ನೀಡಲಾಗುತ್ತದೆ. ಯುವಜನರು ಈ ನಶೆಯ ದಾಸರಾಗುವುದನ್ನು ತಡೆಯುವಲ್ಲಿ ಪಾಲಕರ ಪಾತ್ರ ಮುಖ್ಯವಾಗಿದೆ. ಡ್ರಗ್ಸ್ ಜಾಲವನ್ನು ಕಿತ್ತುಹಾಕುವ ಜತೆಗೆ, ಅದರ ಬಲಿಪಶುಗಳಾದವರನ್ನು ಸರಿಪಡಿಸುವ ಪ್ರಯತ್ನವೂ ನಮ್ಮ ಗುರಿಯಾಗಿದೆ” ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
🛑 ನಶೆ ಮುಕ್ತ ನಗರಕ್ಕೆ ಪೊಲೀಸರ ಬದ್ಧತೆ
ಅವಳಿ ನಗರವನ್ನು ಸಂಪೂರ್ಣವಾಗಿ ‘ನಶೆ ಮುಕ್ತ’ ನಗರವನ್ನಾಗಿ ಮಾಡಲು ಪೊಲೀಸ್ ಇಲಾಖೆ ದೃಢ ಸಂಕಲ್ಪ ಮಾಡಿದೆ. ಡ್ರಗ್ಸ್ ಮಾರಾಟಗಾರರ ಮೇಲೆ ಕಠಿಣ ಕಾನೂನು ಕ್ರಮಗಳನ್ನು ಜರುಗಿಸುವುದರ ಜೊತೆಗೆ, ಸೇವನೆ ಮಾಡುವವರಿಗೆ ಕೌನ್ಸೆಲಿಂಗ್ ಮೂಲಕ ಜೀವನಕ್ಕೆ ಮರಳಿ ತರುವ ಪ್ರಯತ್ನವನ್ನು ಮಾಡಲಾಗುತ್ತಿದೆ. ಮುಂದಿನ ದಿನಗಳಲ್ಲಿ ಇಂತಹ ಕಾರ್ಯಾಚರಣೆಗಳು ಮತ್ತಷ್ಟು ತೀವ್ರಗೊಳ್ಳಲಿವೆ,
