ಧಾರವಾಡ: ಸತ್ಯನಿಷ್ಠ ಸುದ್ದಿಗಳ ಪ್ರಸಾರ ಹಾಗೂ ಗ್ರಾಮೀಣ ಭಾಗದ ಸಮಸ್ಯೆಗಳಿಗೆ ಧ್ವನಿಯಾಗುವ ಉದ್ದೇಶದೊಂದಿಗೆ, ಯುವ ಪತ್ರಕರ್ತ ಗಿರೀಶ ಘಾಟಗೆ ಅವರ ಸಾರಥ್ಯದಲ್ಲಿ ಆರಂಭವಾಗಿರುವ ‘ಮಾಯ್ ಪಬ್ಲಿಕ್ ಸಮಾಚಾರ’ (My Public Samachar) ಸುದ್ದಿ ವಾಹಿನಿಯ ಮೊಬೈಲ್ ಆ್ಯಪ್ ಅನ್ನು ಶನಿವಾರ ಅಧಿಕೃತವಾಗಿ ಬಿಡುಗಡೆಗೊಳಿಸಲಾಯಿತು.
ಕುಂದಗೋಳ ತಾಲ್ಲೂಕಿನ ಮುಳ್ಳಹಳ್ಳಿ ಗ್ರಾಮದ ಶ್ರೀ ಚನ್ನವೀರೇಶ್ವರ ವಿರಕ್ತಮಠದ ವತಿಯಿಂದ ಆಯೋಜಿಸಲಾಗಿದ್ದ ಬಸವ ಪುರಾಣ ಕಾರ್ಯಕ್ರಮದ ದಿವ್ಯ ಸಾನ್ನಿಧ್ಯದಲ್ಲಿ ಈ ಆ್ಯಪ್ ಲೋಕಾರ್ಪಣೆಗೊಂಡಿತು.
ಶ್ರೀಗಳ ಆಶೀರ್ವಚನ
ಕಾರ್ಯಕ್ರಮದಲ್ಲಿ ಆ್ಯಪ್ ಬಿಡುಗಡೆ ಮಾಡಿ ಆಶೀರ್ವಚನ ನೀಡಿದ ಮುಳ್ಳಹಳ್ಳಿಯ ಶ್ರೀ ಚನ್ನವೀರೇಶ್ವರ ಮಠದ ಶ್ರೀ ಮ.ನಿ.ಪ್ರ ಶಿವಯೋಗೀಶ್ವರ ಮಹಾಸ್ವಾಮಿಗಳು, “ಮಾಧ್ಯಮಗಳು ಸಮಾಜದ ಕಣ್ಣುಗಳಿದ್ದಂತೆ. ಈ ಸುದ್ದಿ ವಾಹಿನಿಯು ಸಾಮಾನ್ಯ ಜನರ ಮತ್ತು ಬಡವರ ಸಮಸ್ಯೆಗಳಿಗೆ ಸ್ಪಂದಿಸುವ ಮೂಲಕ ಉನ್ನತ ಮಟ್ಟಕ್ಕೆ ಬೆಳೆಯಲಿ,” ಎಂದು ಹಾರೈಸಿದರು.
ಇದೇ ಸಂದರ್ಭದಲ್ಲಿ ಹಂದಿಗುಂದ ಅಡಿಯ ಪೂಜ್ಯ ಶ್ರೀ ಶಿವಾನಂದ ಮಹಾಸ್ವಾಮಿಗಳು ಹಾಗೂ ಮಂಟೂರಿನ ಅಡವಿಸಿದ್ದೇಶ್ವರ ಮಠದ ಶ್ರೀ ಇಂದುಧರ ದೇವರು ಉಪಸ್ಥಿತರಿದ್ದು, ಹೊಸ ತಂತ್ರಜ್ಞಾನದ ಮೂಲಕ ಪತ್ರಿಕೋದ್ಯಮದಲ್ಲಿ ಹೊಸ ಮೈಲಿಗಲ್ಲು ಸ್ಥಾಪಿಸಲಿ ಎಂದು ಶುಭ ಹಾರೈಸಿದರು.
ವಾಹಿನಿಯ ಮೂಲ ಮಂತ್ರ
ವಾಹಿನಿಯ ಆಶಯದ ಕುರಿತು ಮಾತನಾಡಿದ ತಂಡವು, “ನಗರ ಹಾಗೂ ಗ್ರಾಮೀಣ ಭಾಗದ ಜ್ವಲಂತ ಸಮಸ್ಯೆಗಳಿಗೆ ವೇದಿಕೆ ಕಲ್ಪಿಸುವುದು ಮತ್ತು ಯಾವುದೇ ಮುಲಾಜಿಲ್ಲದೆ ಸತ್ಯನಿಷ್ಠ ಸುದ್ದಿಯನ್ನು ಜನರಿಗೆ ತಲುಪಿಸುವುದೇ ನಮ್ಮ ವಾಹಿನಿಯ ಮೂಲ ಮಂತ್ರವಾಗಿದೆ,” ಎಂದು ತಿಳಿಸಿದೆ.
📲 ಆ್ಯಪ್ ಡೌನ್ಲೋಡ್ ಮಾಡುವುದು ಹೇಗೆ?
ಸಾರ್ವಜನಿಕರು ಕೆಲವ 07 ದಿನಗಳಲ್ಲಿ ತಮ್ಮ ಮೊಬೈಲ್ ಮೂಲಕವೇ ನಿಖರ ಸುದ್ದಿಗಳನ್ನು ಪಡೆಯಬಹುದು:
- ಮೊದಲು ನಿಮ್ಮ ಮೊಬೈಲ್ನ Google Play Store ಗೆ ಹೋಗಿ.
- ಸರ್ಚ್ ಬಾರ್ನಲ್ಲಿ ‘Public Samachar’ ಎಂದು ಟೈಪ್ ಮಾಡಿ.
- ಆ್ಯಪ್ ಇನ್ಸ್ಟಾಲ್ ಮಾಡಿಕೊಳ್ಳುವ ಮೂಲಕ ದೇಶ-ವಿದೇಶ ಹಾಗೂ ಸ್ಥಳೀಯ ಸುದ್ದಿಗಳನ್ನು ಕ್ಷಣಮಾತ್ರದಲ್ಲಿ ವೀಕ್ಷಿಸಬಹುದು.
ಧನ್ಯವಾದಗಳು:
ಈ ಕಾರ್ಯಕ್ರಮಕ್ಕೆ ಆಗಮಿಸಿ, ಆ್ಯಪ್ ಉದ್ಘಾಟಿಸಿ ಹರಸಿದ ಸರ್ವ ಪೂಜ್ಯರಿಗೂ ಹಾಗೂ ಸಾರ್ವಜನಿಕರಿಗೂ ‘ಮಾಯ್ ಪಬ್ಲಿಕ್ ಸಮಾಚಾರ’ ಸುದ್ದಿ ವಾಹಿನಿಯ ಸಿಬ್ಬಂದಿ ವರ್ಗವು ಹೃತ್ಪೂರ್ವಕ ಕೃತಜ್ಞತೆಗಳನ್ನು ಸಲ್ಲಿಸಿದೆ.
